مجلة عشـــاق الشعـــر الإلكترونية (ممدوح حنفي)
**************************
لسه بحاول ارد الوجب
أو اقطع تذكرة الذكرى
ليا كمان في حنانك جانب
يطلع من قلبك بالفكرة
لسه ولي العهد لبيتك
ولا يوم يكمل إلا بروحك
حتى اتهجى نهار حواديتك
يرسم لينا خواطر بوحك
و انا بين حضنك
بعرف معنى
الطيبة .... الأمن
و بنسى الهم
و الأخلاق مبنية عليكي
حتى الدم دا هو الدم
لسه بقلها و شمسي بتصرخ
نورك بينا يا احسن أم
لو جدران البيت تتأثر
هو البيت كان برضه اتلم ؟؟؟
***************ا
لاجل الفرحة ترق و تكتر
فضي علينا سحابة خيرك
بالأحلام و البسمة واكتر
كله يقلي بإني اميرك
بس أمانة يا أمي عليكي
اطلع واد على وطني حريص
و اعمل نيل بيصب ف خيرك
و اعرف انك كنتي ايزيس
عمر ما ليا معزة لغيرك
انتي وبلدي و قالوا هويس
يعشق طول المادنة و ديرك
يعشق انه يكون كأسيرك
و يفضيها من المتاعيس
***************ا
آخر كلمة هقلها و أخلص
مجرى الدم بتجري رسالتك
جوه وريدي و كل حياتي
و اغلط يوم ان جيت وسألتك
دا انتي يا أمي بتبني حياتي
دا انتي يا أمي بتبني حياتي
***************ا
ساحة النقاش