مجلة عشاق الشعر الإلكترونية. .ممدوح حنفي
انا اللي قلبي وجعني من كتر المناهدة
امبارح واول وكمان النهاردة
بقول خلاص إسكتوا وبقول يارب نهدا
بقول خلوا بالكم واقول يالا ذاكرم
واقول اشربوا وكلوا واقول برضه عنكم
انا اللي بغسل وألبس وأغير
وبرضه ازعل وساعات ءأير
وفي لحظه بنسي زعلي لما بشوف عيونكم
انا اللي بطبطب وساعات برضه بضرب
وفي لحظة عليا تصعب اشوف دمعة منكم
بكون وقتها بتدمر وساعات أفوت وأمرر
بس في مصلحتكم انا ممكن الدنيا أكسر
حبايبي وضحكتوا عليا كلمة ماما بحنية
تنزل علشانها دموعي وعصبيتي تصعب عليا
بأكره اشوف دموعكم واموت لو احس وجعكم
اقول يارب اشفيهم واشيل أنا أوجاعكم
أنا اللي بصرخ وأزعق وأقول الناس هتسمع
مش عايزه أشوف في الدنيا أنا حد أحسن منكم وأهو كله لمصلحتكم
عايزاكم أحسن منى متخيبوش ظنى
يارب نجاحكم يبقى للدنيا أجمل فرحة
أنا اللي بدعى ليكم تشوفوا هنا فى لياليكم
وسعاده متتوصفش
يارب أفرح بيكم وأشوفكم من الصالحين
وتشهد الناس كده ليكم بنات متربيين
يارب يملا حياتكم فرحه وسعاده وهنا
ويقبل منى ربى دعوتى أنا
يارب إوعد كل مشتاق
ويكون فى يوم زيى نظرتهم ليه ترياق
بحبكم يابناتى وكمان بيحبكوا دادى
ورغم زعيقى وآهاتى بعشقكم هعمل إيه
وأتحمل وهقول إيه ماهو أصلى أنا ماما
ساحة النقاش