مجلة عشـــاق الشعـــر الإلكترونية (ممدوح حنفي)
لو يشبك الحزن قلبك
والشوق يزيد ويملكك
وانتظارك
من لحظة وداع
ع المسافة والبعاد
والهواجس واليقين
والنهاية ف النهاية
ودموع ملو العنين
مكمل سكتك عادى
على سرعة 120
فى الساعة
ونسيت اسمك
وطلعت روحك من جسمك
واتعلقت ع الشماعة
جنب الحلم المركون
ع الرف
ودماغك عمالة تلف
وشريط ذكريات بيسف
على لحظة وداعك
ويرجع م الاول يلف
كمل عادى ما تقفش
طريق العشق
ملوش اخر
وما دمت شاعر
طلع اللى جواك
شعر
خلى قصيدتك معنى
على كل معنى تدور
هيبقى الحزن ذاته
بين السطور
خاتم ف صباعك
الشاعر عبد الله الهوارى قنا قوص جرا جوس
ساحة النقاش