نفسي اضحك ... بقلم الشاعر الغنائي / رمضان القاضي

مجلة عشـــاق الشعـــر الإلكترونية (ممدوح حنفي)

نفسي اضحك
-------------------
نفسي اضحك نفسي اغنى
ليه يا دنيا بتجرحيني
فات كتير ماسالتى عنى
والدموع علي طول في عيني
والجراح بتزيد في همي
و انتى و لا مرة تراضيني
اعمل ايه عشان اعيش
مرتاح يا دنيا وتسيبيني
------والهموم جوايا دايما
و الجراح بتهد فيا 
------والالام والخوف وبكرة
وخايف الاقيني الضحيه
------علي العموم انانفسي اموت
والله الموت ارحم عليا
------طول زمانى وانا في سكوت
لما خلاص دبلت عنيا
-----من الدموع ومن العذاب
و لا حد ابدا حس بيا
------حتى اقرب ناس لقلبي
سابونى في الجراح وحديا
-----نفسي اضحك مرة واحدة
نفسي افرح و لو شويا
ياعذاب مكتوب علينا 
ليه ولا مرة سماح
-----كله باع وضحى بينا 
كله سابنا في الجراح
------والحبايب غابوا عنا
صحيت لاقيت الكل راح
-----نفسي اضحك يوم ياربي
واعيش لو ساعه في الافراح
----مرة واحدة افرح ياقلبي
واقول خلاص الهم راح
-------------------------------------
نفسي اضحك بقلمى الشاعر 
الشاعر الغنائي / رمضان القاضي
17 / 3 / 2015