**{دمعة يتيم}** بقلم الشاعر أحمدمحمد**

مجلة عشـــاق الشعـــر الإلكترونية (ممدوح حنفي)

الشاعر أحمدمحمد

{دمعة يتيم}
سؤالي الكام بعد ال100.
وأنا قلبي مستني الرد.
والدمع أهو مكتوم ف عنيا.
وأحلامي شايفها بتتهد.
جاوبيني ردي بقا عليا.
وحشتيني يا أمي أيوة بجد.
وانا بعدك محروم م الحنيه.
وكل طريق بمشيه بيتسد.

مين بعدك يخفف أحزاني.
مين بعدك أشيكلو جروحي.
كان قلبك وطني وعنواني.
كانت روحك ساكنه فيها روحي.
ع قبرك بدعي وسمعاني.
والقلب معاكي فين ماتروحي.

أنا جي أشكيلك من همي.
ما أنا عارفك للآمي طبيبه.
وبعلو الصوت بصرخ أمي.
إرجعي دا انتي أغلا حبيبه.
حبك لسه بيجري ف دمي.
والدنيا بعدك دي غريبه.

الناس حوليا بستتغرب.
بدموعهم قالو البقاء لله.
معذور جدا! أصل ال مجرب.
حضن الأم عمره ما ينساه.
وانا نفسي م الدنيا أهرب.
واجيلك واشكيلك الآه.

ورجعت لأوضتك ودولابك.
وحضنت بدمع العين صورتك.
والسبحه وياها حجابك.
خسرت حياتي لما خسرتك.
يوميا بخبط ع بابك.
ودموعي تنزل لو جات سيرتك.

‫#‏الشاعرأحمدمحمد‬