مجلة عشـــاق الشعـــر الإلكترونية (ممدوح حنفي)
ياقلب : الزم حدودك
_________________________________
م الاشواق اه م الاشواق
عربية من غير سواق
مابتعرفش حدود وسدود
ولا اشارات وظروف عشاق
وانا م الشوق..قلبى المدلوق
كان عالى الذوق..بيبص لفوق
مابيعملش حساب لفروق
....بينى وبينها مسافة كبيرة
،انا كادح ..وهيه اميرة !
فقت على هياج الحراس
والتوبيخ..،ولوم الناس ،
..قلتلهم : بس ..انا فقت خلاص
.. قلبى المحموق كان نفسه يدوق
حلاوة الحب...وغلبنى الشوق
كنت اتمنى ..ماكنتش افوق
لكن عقلى ..نبهنى اتلم
ماسبش القلب يجيب لى الذم
قلت لعقلى : خلاص يا عم ،
هو انا يعنى ماعند يش دم ؟!
من ازجال د . عبدالله منصور
ساحة النقاش