مجلة عشـــاق الشعـــر الإلكترونية (ممدوح حنفي)
( تصدق والا احلف لك )
وعمري ما كنت شاعر ولا كتبت الشعر
وقلمي كان دايما ساكت
ولما فاضت م النفس مشاعر نطق ع الورق شخابيط
لا هتلاقي فيه وزن ولا قافية
ومنكوش نظمه ومكسور بيت
لاانا له غاوي
ولا بيه باغوي
ولا صنعتي و باكل بيها عيش
كل الحكاية احاسيس... بيها حسيت
غزلي عفيف راح تلقاه
ومدحي مدح محبة
ولا نافقت بيه حد لعلة
ولا عاديت وشتمت وسبيت
فسبني عن نفسي انفس
من سنين يا اخي وانا مكبوت
وكبتي كان في نكتة بيطلع
ولما بتعصاني الضحكة
بكتب آهة
آهة وجع او آهة عشق
والا كان زماني م الجناب طقيت
لاطمعان في لايك ولا كومنت
ولا اني انول اعجاب كام بنت
يا ابني انا من جوايا خلاص شبت
ومن الدنيا حقيقي شبعت ومليت
حتي لو انت شايفني شباب
تصدق والا احلف لك
( حمدي صالح )
ساحة النقاش