**حالهم بعد الفراق** بقلم الشاعر أحمدمحمد**

مجلة عشـــاق الشعـــر الإلكترونية (ممدوح حنفي)

الشاعر أحمدمحمد

{حالهم بعد الفراق}{يارب تعجبكم.٠

‫#‏هو‬

أنا راجع وبتأسف.
أمانة عليكي سامحيني.
دمع ع خدي مجفش.
وصعبه ف غيابك سنيني.
ووجع كمان زاد ومخفش.
ف إيدك داويا! داويني.

‫#‏هي‬.

بعد اية ما الوقت فات.
حبك خلاص أنا نسيتوه.
ومحيت من قلبي الذكريات.
وحلمي بإيده هديتوه.
كنت حبيبي وحبيبي مات.
من يوم ما قلبي رميتوه.

#هو

الفراق كان غصب عني.
قولت يمكن بعدي تعيش.
لكن الشوق جوايا قتلني.
والأيام مبترحمنيش.
بعدك عني دا شئ كسرني.
حياتك بعدك متسويش.

#هي.

ياريت تبعد بقي وتنساني.
معدش ينفع تاني رجوع.
زمان قلبك بعد ورماني.
غرقانة ف بحر نار ودموع.
جاي تقلب ليه ف احزاني.
ياريت تقفل ع الموضوع.

#هو

إزاي هكمل عمري بعدك.
إزاي هعيش منك محروم.
انا قلبي جه لحد عندك.
بيشكيلك ندم وهموم.
كان فين زمان ليا وعدك.
مش هبعد عنك ولا يوم.

#هي

إنت ال اخترت يوم الفراق.
انت ال بعدت وجرحتني.
دلوقت ليه بتقول مشتاق.
كنت ف إيدك ليه سبتني.
قلبك من نار البعد داق.
ياخساره إنت خسرتني.

وادي حال الزمان دوار.
ناس تحب وناس تسيب.
ومين فين لنفسه اختار.
كله حكم قدر ونصيب.
والحكاية باختصار.
كل جرح وليه طبيب.
‫#‏الشاعرأحمدمحمد‬