مجلة عشـــاق الشعـــر الإلكترونية ... ممـدوح حـنفي
على فراقك ومش ندمان
==============
بقلم الشاعر المصرى/احمد ابراهيم
====================
جوابك حبر كان
مغشوش
ولون الحبر كان
بهتان
مهو قلبك مابيهموش
يدوس
على قلب بيكى اتهان
انا رافضك انا بيعك
ده انا انسان
ماليش غيرك لكن بيكى
يتوه عنوان امل ضايع
مالهوشى مكان
فى احلامك
وكان بابك هنا مقفول
وانا بردان
ولا حضنك هنا دفى
ضلوعى فى يوم
انا اعلنت العصيان
انا ثورة ونار بتقيد
على عيونك على قلبك
على غرورك
انا القائد وانا الرهبان
انا شمسك فى ليل بردك
وانا القبطان
انا اللى كسرت فى غرورك
شروق تعبان
وكان خايب طلوع فجرك
وخبتى كمان
انا المخدوع وتاهت بيكى
الاحلام
ومش ندمان على فراقك
ومش ندمان
======================
ساحة النقاش