مجلة عشـاق الشعـر الإلكترونية .. ممـدوح حـنفي
ورجعت عابيتي
من بعد طول غياب....
شو مغيّرة الطرقات
شو مغيّرة الحيطان...
حتّى أحلامنا تغيروا
وتغيروا الجيران...
ولمّا بعيوني رغرغوا الدمعات...
لمحت حلوة جايي صوبي عالطريق...
قلبي خفق
و لمحت نجوم الظهر عميبرموا فوقي...
معقول هيدي جارتي قمر الزمان...
كنت حبّها كتير
و ما كان حبّها ينتسى...
جايي و معها أولادها المشرّدين...
حملت طبشورة
و كتبت عا أقرب حيط...
(أنا من هون رحت و عشت مع الأغراب...
تركت الحبّ من أجل العيش بكرامة و تعبت...
واللي بقوا عاشوا سوا أغراب
بيتنافسوا عالقتل والظلم والجوع)...
يا ليت لا رجعت ولا شفت اللي بحبّها ...
و يا ليت ما رحت و متت حدّها من الجوع...
عدنان خليفة
ساحة النقاش