مجلة عشـاق الشعـر الإلكترونية .. ممـدوح حـنفي
لسه بفتح انا فى عيونى
فجئه وراح رانن تليفونى
ايوه الووووووو
صوتها يجنن روعه يا هووو
هى برقه.. ايوه ازيك ياسى مئمون
انا اسمى احمد ومفيش مانع انى اكون
اناااا مئمون
ضحكه برقه ..دمك خفه
وانا تفكيرى طار للكوشه وطار لزفه
يعنى عجبتك؟
جدا خالص
قلت جميله وربك حارص
دمى خفيف؟
ايوه اكيد يا سعاده البيه
طبعا سكر يا بن الايه
طيب انجزى اسمك ايه؟
اسمى سعاد
قلت انا طالب بينا معاد
قالت فى جنينه الاورمان
كلو بسرعه حاجه جنان
قالت لابسه الجيبه البنى وطرحتى سوده
قولت انا لابس شورتى كوتشى وواد على الموضه
سرعه صاروخ انا على الحمام
احلق دقنى واظبط نفسى شعرى بجل هيبقا تمام
نازل وانا واثق من نفسى
رحت مشاور اول تكسى
قلت بسرعه على الاورمان
قلى كلامك امر يا مان
السواق هاتك يا حكاوى
زل العيشه بيحكى بالاوى
حكا فى جيوش وحروب ومنوره
حكا فى الدين من ستره وعوره
حكا صحيانو يودى الدوره
حكا غيظو وضيقو من الثوره
يووووووووووووووووووووه رغاى
طب وسكوتو يكون ازى ؟
يلا القصد وصلت مكانى
من فرستى هيجن جنانى
ادى 50 وادينى الباقى
لسه هحاسبو مسك فى خناقى
جات الناس وفضل يتكلم سعر الغاز خلاه يتئلم
ساعه بيحكى الزيت والغاز
كومه دش من الالغاز
وادى واحد من الناس القهوه قام منتور
قلى اديلو حسابو يا صاحبى وامحى شرور
وخبط باب التاكسى بايدو خودها وغور
قلت فى نفسى وانا مستسلم خودها وغور
طبعا طبعا مودى اتغير
نفسى اشوفها فى وقت قصير
ايوه الو فينك يا سعاد
انا مظبوط مخلفش معاد
قالت عند الباب يا حياتى
بضرب عينى لقيتها مراتى
جايه فى كبسه وجايبه حماتى
طبعا انا واقف مذهول
قالت نورت يا شملول
لسه هقول انا جايه فى عزومه
ساح دمى من ضرب الشومه
كل الخلق راحت ملمومه
وعلى المستشفى فى بوكس حكومه
احدثكم الان من قسم العظام
بلقصر العين
دعواتكم بقا بلشفاء العاجل
هههههههههههههههههههههههه
ساحة النقاش