==شايف جمالك==بقلم د / صبرى إسماعيل

مجلة عشاق الشعر الإلكترونية. .ممدوح حنفي 

شايف جمالك ع الخدود نورها

----------وكأنّه ورد مزيّن البُستان

مكتوب عليها إنّ دستورها

--------حلوة أصيلة زى عهد زمان

بعينيك لمعة ربّى صوّرها

------ودلال بيظهر بالكسوف ويبان

وجفون بتسحر سرّها غرورها

--ومرسّمين من غير رتوش ودهان

والثغر همسة تحكى أسرارها
--------يحتار وفيها الشاعر الفنان
والبسمة أجمل صورة مرسومة
---------اللى يشوفها يشكر المنّان
وإيدين حنونة من بنات روما 
------والجسم واثق زى عود البان
والقلب دافى زىّ سبتمبر
-------بالحب يعزف أجمل الألحان
لمّا نقرّب منّه بيقرب
-----وبلحظة واحدة تهرب الأحزان
الحِلم واحد يابنات حوا
------هو وحُصانه فارس الفرسان