==حبة تفاؤل==بقلم الشاعر : أحمد محمد

مجلة عشاق الشعر الإلكترونية. .ممدوح حنفي

بس ممكن يوم تداويه.

إنت ف إيدك مفتاح فرحك.

يبقي ليه تدور عليه.

إرجع من تاني لربك.

وادعي طول ليلك واترجا فيه.

هو حنان راح يسامحك.

مش هتهون أبدا عليه.

لف كتير هتلاقي غيرك.

شايل أكتر منك هموم.
عيش سعيد ما انت مصيرك.
هتودع الدنيا ومش هتدوم.
وإرضي دايما بنصيبك.
هي الدنيا فيها كام يوم.
لسه بتفكر ف همك.
عيش حياتك وانسي ال فات.
إترمي ف حضن أمك.
جوا منه هتنسا الآهات.
عمره ما هيرفض يضمك.
إنت من غيره قلبك كان مات.
ناس كتير ف الدنيا باعت.
والزمان عليهم دار.
وناس حقوقها منها ضاعت.
وإتقلبت حياتهم للنار.
واللي الفرحه منه راحت.
وف حياته عايش محتار.
ياللي خايف من ال جاي.
وعمرك ف الحزن بيفوت.
إحمد ربك إن قلبك لسه حي.
ناس كتير من جواها بتموت.
هي من الأخر دي دنيا.
حلوه أو مره عايشنها.
بس ف الحقيقه فانيه.
وبكره كلنا سايبنها.
لازم نعيشها ف كل ثانيه.
ونتحمل كل اللي منها.
راح أقولهالك مره تانيه.
بكره كلنا سايبنها.

صعب إنك تنسي جرحك.