مجلة عشـاق الشعـر الإلكترونية .. ممـدوح حـنفي
الحقوا صحوا النهار
........................
الحقوا صحوا النهار
اصل ليل الحزن طال
والعقول تاهت فى ظلمه
والقلوب داخلها نار
واللسان جف كلامه
اصله حاسس بالمرار
الحقوا صحوا النهار
قبل ما تعيدوا السؤال
ليه عيونى دبلانين
ليه شاغلنى الفكر ديماً
وعيونى سرحانين
ليه حزين
لما اكون غريب فى وطنى
مش عايزنى اكون حزين
لما ظالم فى دم عايم
والميزان يخل بينا
والقاتل يعيش فى جنه
وغلابه مسجونين
لما جندى يكون حارسنا
على الحدود سهران عشنا
الف طعنه تجيله منا
مش عايزنى اكون حزين
لما نستقوى بسلاح
واللى يقولك جهاد
واللى يقولك كفاح
لما ينطعن الحريم
فى الشرف بلسان لائيم
لما يتسجن الكريم
لما يتكسر السليم
لما دينا يكون مباح
يفتى فيه كل غشيم
لما اشوف بلدى بتهوى
وتاجها يتعاص الف طين
مش عايزنى اكون حزين
الشطاره فى الاداره
قبل ما ندخل مغاره
ظلمه ما نشوفش بعين
الحقوا لموا اللى باقى
قبل ما تدور سواقى
وتروى ارض مصر دم
والثمر يكون تار
يشربه الكل بمرار
والندم ساعة الحصار
مش هينفع اللى باقى
الحكايه مش تحدى
انا قدك وانت قدى
القطط يضربها فار
الحقوا صحوا النهار
اصل ليل الحزن طال
بقلم محمد البلاط
ساحة النقاش