مجلة عشـاق الشعـر الإلكترونية .. ممـدوح حـنفي
لمى حبال الخوف
وشدى قوتك
لسه ظلام الليل
بعيد عن خطوتك
الفجر لساه فجر
مزين ضحكتك
الله يابسمة فجر
دى عيونى عشقتك
شايل محمل صبر
وف قلبى محبتك
يا صبيه ليكى العجب
ليه حجبه طرحتك
نفسى اشوف البدر
والحسن ف طلعتك
يا صبيه ليكى العجب
بخلانا ببسمتك
طب حتى مدى ايديكى
طب المس جبهتك
كل عيون الناس
ليكى عشقتك
وانا عشقى ليكى الماس
وغالى بفرحتك
وانا ليكى قلبى عاش
ربيع على دنيتك
يسقيكى شهد اللقى
تسقينى محبتك
ارويكى بحر حنين
تروينى بنظرتك
يا حببتى فيكى بدوب
واللهى ماقدر اتوب
ولا اهجر دنيتك
ازاى عنك اتوب
وانا روحى عشقتك
=============
بقلم الشاعر المصرى/احمد ابراهيم
ساحة النقاش