**لو قلولك اوصفيه**بقلم / أحمد يونس**

مجلة عشاق الشعر الإلكترونية. .ممدوح حنفي

لو قلولك اوصفيه

ردى انو ملوش شبيه

اصلى كيف راح توصفينى

لو وصفتى هتظلمينى

لو قلولك احكى عن طيشو وجنانو

قولى قلبى اسير حنانو
قولى كلو يهون عشانو
لو قلولك ايه حكايتو
قولى مغرم
قولى عاشق
قولى دايب
قولى فدان من حبايب
قولى سهم فى روحى صايب
قولى بسمه فى حظ خايب
قولى واحكى
سمعينى وهزى ضحكى
استرينى من فضيحتى
لو قلولك هو شارى
اقنعيهم طفى نارى
فهميهم مش قرارى
قولى انى عنيكى دارى
قولى انى زهقت ادارى
احلفيلهم انى شارى
لو قلولك ايه دليلك
قولى انى قتيل سبيلك
قولى انى بكلمه اجيلك
انى ورده بين نجيلك
انى قطره فى سلسبيلك
لو قلولك كان حنون؟
احكى عن دمع العيون
احكى عن دبح الظنون
قولى كوكتيل من فنون
كيف تكونى وكيف اكون؟
لو قلولك راح يوافى؟
قولى دمعو ليا كافى
قولى شط لبحر صافى
قولى نسمه فى جو دافى
قولى واحكى ومش تخافى
الزمان طول عمرو جافى
وان قللوك عمرو كام
قولى اطنان من ركام