مجلة عشاق الشعر الإلكترونية. .ممدوح حنفي
أنا بطمن بس عليك
عايز أعرف عامل أيه
رد حبيبي الله يخليك
قلبي معاك طمني عليه
...............................
طال البعد علينا سنين
بعد ماكنا زمان عاشقين
فرق بنا كلام الناس
وبقينا أنا وأنت أتنين
...................................
إحساسك أيه
أنا في مكان وإنت في مكان
وروحي معاك بتحوم حواليك
نفسها نرجع زي زمان
تفتح قلبك وأسكن فيه
يالي معاك حسيت بحنان
هفضل عمري أبكي عليه
إحساسك أيه
..........................................
أنا من غيرك تاهة مني
أحلى سنين قضتها معاك
ديما أبكي غصبن عني
قلبي رافض يوم ينساك
........................................
بسرح ديما فيك يا حبيبي
وبتمنى أشوفك لو مره
نظره في عينك تطفي لهيبي
وتنسيني حياتي المره
.................................
إحساسك أيه طمني عليه
لو كان قلبك كده يرضيه
إني أتعذب
أنا مش هسأل تاني عليه
ولا هستعجب
لو حبي في قلبك صحيه
قبل شمس الحب ما تغرب
ساحة النقاش