مجلة عشـاق الشعـر الإلكترونية .. ممـدوح حـنفي
اكون او لا اكون
اكون او لا اكون
كل شئ يهـــــــــون
لو خالفتنى الظـــنون
ومعاية مال قـــــارون
الحق خط احمر
للحق لازم اصــــــون
مبدأى فى الحياة
اكون او لا اكــــــــون
معنى الحياة اية مـــن غير هدف واضح
من غير هدف نعيــش الم وعذاب جارح
وكرامتنا تنداس مــــــن الجـاى والرايح
اكون او لا اكون
فكر وطـــــــــــــور نفسك
ودوس اوى عــلى درسك
واهزم من جــــواك ياسك
واحلم وحقق حلمك
واٍفرح وجــــدد املك
اكون او لا اكون
خلى الخير والعـــمل وياك
بكرة الفرحة والامــل معاك
وارمى اى شـئ تانى وراك
اكون او لا اكون
متقولش مـــش قـــــــــادر
دوس على نفسك وعافر
بالجهد والعـــــــمل قادر
قادر تحقق كـــل امانى
وترجـــــع ضحكتك تانى
تلاقى الدنيا تبتسـم
تحلــــو ليك وتترسم
سعتها وجودك اية قيمة
قيمة كبيرة عظيمــــــــة
اكون او لا اكون
مهما حاولو يغرقوك خد نفس طويل وكمل
النجاح صعب شـــوية بس الاصعب تتحـمل
الصبر طول ما هو وياك كــل يوم هتــــتعلم
فى ناس مستنية ترفـــــــــع راسها فوق
وتقول غروب الحـــــق مات اصبح شروق
سعتها الدنيا تحــــــــــلى والحـــال يروق
اكون او لا اكون
فكرك فى الحيـــــاة لازم يكون هـادف
مهما كان الصعب اوعى تكون خــايف
لو الظلم عمى قلوب الناس
خلى قلبك للحـــــــــــــــــــق شايف
سعتها قلبك هيقوى كتير
وعمرك ما هتكـــــــون فى يوم خايف
اكون او لا اكون
تأليفى ***** اسامة جمال ****حلوان****
ساحة النقاش