مجلة عشـاق الشعـر الإلكترونية .. ممـدوح حـنفي
عادى بقى(2)
لما نصون ويخنونة
نشتريهم يبيعونة
نبنيهم يهــــدونة
نداويــــهم يجرحونة
نودهم يزعلونة
عادى بقى ... عادى بقى
لما حبيبك قصاد عينك ... ومش عايز يشوفك
مأدرش تعب سنينك ... ولا حتى قــدر ظروفك
ولا قدر شقاك عشانة
ولا حرمــــانك عشانة
استنيت من الفرحة
لا جت منة ولا من زمانة
عادى بقى ... عادى بقى
يعنى اية ابص فى المراية الاقى واحد تانى
طب انا رحت فين ولا دة مش زمانى
ولا كتر الهموم من الدنيا وخدانى
نستنى اسمى ضيعتلى سنينى
ببعد عنك يا هموم ليكى تقربينى
كل لما انساكى بيكى تفــــــــكرينى
انساكى ازاى يا هموم وانتى بتحبينى
عادى بقى ... عادى بقى
لما ناس فى المستشفيات معهاش حق العلاج
وناس على القهاوى بضيع فلوس كتير على المزاج
عادى عادى
الحلم بيضيع على الهادى
ومحـــــــــدش لينا فاضى
كل واحد لية مشاكلة
كل واحد عايزلة قاضى
عادى بقى عادى بقى
الضحة مابأتش متصدقة
تأليفى **** اسامة جمال ****حلوان***
ساحة النقاش