**كَان زمان** بقلم على مصطفى **

مجلة عشـاق الشعـر الإلكترونية .. ممـدوح حـنفي

كَان زمان :-
=======
كُنْا زمان
أحباب نتقابل
صافية قلوبنا

شوف دلوقت
خراب وقنابل
ماليا بيوتنا

راحت فين
الكلمة الحلوة

فينه زمان
وجمال الغنوه

فين اللمه
وخاتى وعمك

فين الصحبة
وحضن يضمك

فين لمْتْنا
والسهراية

فين صحبتنا
وأنت معايا

فين الغنوه
اللى تجمعنا

فين اللقمة
اللى تشبعنا

فين الفرحة
اللى ترجعنا

وتوحدنا ما تفرقنا

فين الفن
الراقي بتاعنا

فينه فريد
وحليم والمغنى

نفسي فى وحدة
اللى تجمعنا

ولأحضان مصر
ترجعنا

زى زمان
ونعيش أحباب

ولبيتي وبيتك
نفس الباب

نلقى أولادنا
زى زمان
بقمْ أصحاب

وتجمعهم
كلمه ولقمه
ويعيشوا
فى تبات ونبات

واللى
تضن علية الدنيا
عند أخوه
يأكل ويبات

ونعيش سوا
فى تبات ونبات

بقلمي ،،
على مصطفى ،،،
24/2/2015 م