مجلة عشـاق الشعـر الإلكترونية .. ممـدوح حـنفي
((أنا سُمعه))
@@@@@@@@@
أنا أبو دم خفيف من ينسانى
منولوج مسرح سينما راح تهوانى
صحيح بوقى كبير بس حلاوه وحلوانى
كلامى كله عسل و مين راح يتحدانى
أنا سُمعه أنا سُمعه مين يقدر يبقى مكانى
حماتى قنبله ذريه
ومراتى كمان مستقويه
أفلامى كلها كوميديه
حصريه وكلها تاريخيه
مصنوعه فى السينما المصريه
فى كل عمل تلاقينى غلبان
يا ماما على لسانى بقولها زمان
أمبولولو وشفايفى كانوا جنان
ولا عطيه الشاويش فاكرينه كمان
مين زيى أنا أحسن فنان
ضحكت الناس بدموع العين
مستشفى المجانين فاكرين
ولا الأدغال ومع الشياطين
وإبن حميدو أه لو ناسيين
ولا الأسطول البحرى يا حلوين
@@@@@@@@@@@@@@@
أنا سُمعه أنا سُمعه عارفين أنا مين
أنا الفنان إسماعيل ياسين
@@@@@@@@@@@@@@@@@
بقلم الشاعر/سامح محمد حسن حراز
@@@@@@@@@@@@@@@@@
ساحة النقاش