مجلة عشـاق الشعـر الإلكترونية .. ممـدوح حـنفي
فرج الشاعر
(ولساني بقول الآه )
ولساني بقول الآه من قلبي
ومحدش حاسس بألامي
وماليش في الدنيا غير ربي
وعايش فيها وحداني أنا بغلبي
ولساني بدوس علي الارض يأقدامي
وأدور كل يوم في أحلامي
علي وظيفة في المحنه تعديني
تكفي اللقمة والهدمة لعيالي
ولساني دموع العين بتكويني
بتنزل علي الخدين تعزيني
لما ولادي نور عيني ينادوني
هناكل بكرة إيه تاني
ومش عارف أرد بايه
ولا في إيدي حلول تاني
وأشوف الحيره في عيونهم
ونظرة عتاب منهم علي بكرة
وكأني أنا الجاني
ولساني عايش في بيت مشروخ
وينزل فيه مطر غزير بشدوف
ومتغطي بلحاف الامل ملفوف
وأبدل ضلمتي بشموع وحروف
وراضي بقسمتي وحالي
ولساني عايش بالامل ملهوف
وبأرفع إيدي للمولي بخشوع
يمكن دوعايا يكون مسموع
وبأشكي وإيدي مش طايله
يرحمني وينجيني من الدنيا
يمكن يكون أخر أيامي
أشبع قبل ماموت من الجوع
ساحة النقاش