مجلة عشـاق الشعـر الإلكترونية .. ممـدوح حـنفي
الضنا غالي
خايف عليك يا أمه
من الوجع وشيل همي
وهم عيالي !!! الضنا غالي
يا أمه وسكة سفري للقدر وخداني !!!
الضنا غالي يا محروسة وحشوف حتعملي
إيه عشاني !!! يا أمي لا تبكي عليَ !!! حلفتك بالله
يا أمي ما تبكي ولا تشمتي فيِ خسيس نازي !!! أنا قلت
لك يا أمه متغرب وحاسس بألم وجعي !!! قلت لك بلاش أسافر ,
قلتي اجري على أكل عيشك , قلت أرضى بالمكتوب والمقادير وسافرت
ودمعي على خدي وبنادي !!! يا أمه كنت شايف وداعك في عني !!! يا أمه شفتك
في منامي بتدعي , ما هو كله عشان عيالي !!! الله على الظالم وصورة المجرمين
لسه قدامي!!! ما تبكي يا غالية أنا مش خايف لا من موت ولا ذبح إخواني !!! أنا خايف
عليك تشوفي صورتي على التليفزيون وتنهاري !!! والله ما أنا خايف لا من سكين ولا
من إرهابي !!! قدري يا بلد أموت متغرب وعشان تصدقوا إن الغربة ذلاني !!! قدري يا
حبايبي في مصر في الغيط في المدرسة وفي البر التاني !!! قدري اضحي بنفسي
عشان يعيش أخوي أحمد ومينا ومحمد وبطرس في سلام وأماني !!! متزعليش يا أمه
ابنك تمنه غالي !!! ضحينا عشان غربة متستاهلش ذبيح تاني !!! غربة توهتنا في
ربيع أصفر ومفيش آمان تاني !!! ضحينا عشانكم يا مصريين مسلمين ومسيحيين
وخلوا بالكم من الخاين واللي ملوش آمان والجاني!!! يا راكبين البحر خلوا بالكم
وكفاية غرق من تاني !!! يا راكبين البحر لا تنسوا الكفن والثمن والله غالي !!!
ليه يا غربة كده بتفرحيني يوم وباقي عمري حداد لأحفادي !!! ليه يا مجرمين
كده تذبحوا أعزل قدام عياله وبكرة الزمن حيدور على الجاني !!! صعبانة
عليَ يا أمه هو لسه حتربي عيالي من تاني !!! صعبانة عليَ حبيبي
وأم عيالي !!! خلي بالك من العيال وبلاش تعلميهم الغربة والسفر
من تاني !!! شفت الموت قبل ما أموت في عيون ولادي !!!
شفت الموت في عيون حنا وهو بقول يا بابا مش عايز لا
هدايا ولا مصروف بس ارجع ليِ من تاني !!! شفت
الموت في عيون كل المظلومين وهم بيقولوا الله
على المفتري و الجاني!!! الضنا غالي يا أمه
وسكة سفري للقدر وخداني !!! الضنا غالي
يا محروسة وحشوف حتعملي
إيه عشاني !!!
شاعر فلسطين : صالح إبراهيم الصرفندي
ساحة النقاش