مجلة عشـاق الشعـر الإلكترونية .. ممـدوح حـنفي
-------------------------------------
خلوا العقل يحكم-----------؟
مقهور لما أشوف رصيد العقل
في بلادي معدوم
أشوف الفقر في سوق العبيد
مخدوم
يشترونا بسكين القتل
والمهر سداد ديون
مقهور لما يكون كل
اللي في الكتب أوهام
وكل أحلامنا أصبحت
من القهر هموم
عبيد كنا وقلنا للزمن أحكام
وعمر الظلم في بلادنا مايدوم
صار الوجع إحنا وصرنا
زي المرض متهوم
بيضيعوا فينا الألم
وصار الشراب دم
مقهور لما يضيع الأمل
إنا نكون رقم مش مقسوم
الشرق باعنا للهوان
والغرب صار الحكم والخصم
صار ت مواعيد الموت محتوم
ضعنا في أول سطر
من ميثاق مختوم
بختم اللي صادروا الوطن
وتحكموا فينا أجيال
البواكي كانت تنوح
على اللي قتل غريب بينا
وين البواكي تشوف
شلال القتل بالكوم
العزة صارت حكاية
والسبب مفهوم
كلنا في أنظار العدى
قطيع للي يسوم
مقهور لما تكون جايا
من اوكارهم
سبي البلاد اتنسا
والدور على الباقي
قسموا الميراث في الأول
وتغيرت الأحوال
الصغير صار كبير وبده نصيب تاني
مقهور لما يكون
عقل البليد حاكم
شوفوا بقايا الصور
وخلوا العقل يحكم
----------------------
شاكر محمد المدهون
18/2/2015
ساحة النقاش