مجلة عشـاق الشعـر الإلكترونية .. ممـدوح حـنفي
(وعشان بحبك يابلادي )
وعشان بحبك يابلادي
وديما عايش في خيرك
ولو لفيت العالم بارجعلك
تاني ماأنا ماليش غيرك
وبأزعل قوي وبحس بندم
لما تتعبي أوتزعلي باشعر بالألم
وعشان وأنا من صغري ومن بدري
علموني ف مدرستي إزاي احيي العلم
وأنده عليكي بأعلي صوتي
تحيا مصر...تحيا مصر.....وكنتي تسمعي
ونسرك كان يرفرف فوق العلم
وعشان ماأنتي ساكنه جوه قلبي وفؤادي
وإنتي التاريخ إنتي الحضارة يابلادي
يالي حبك بيجري في دمي ووريدي
يابلد فيكي الرجاله عزيمه وهمم
يله زيدي من قوتك زيدي
خلي عدوي وعدوك يدوق وعيدي
إحنا اسياد الكلاب وإحنا النسور
وحنعدي جبال وتلول وبحور
وهنطير فوق في السحاب
وهنضرب كل خاين كداب
وضربتنا حتكون قويه
هنخلي عاليها اسفل ف التراب
وعشان ماجبتي حقنا وحق الشباب
بأدعيلك ياغاليه الي الامام يابلادي
وماتبصيش وراكي وأنا معاكي
بروحي ودمي وكل ما أملك .ياأمي
فداكي
ساحة النقاش