مجلة عشـاق الشعـر الإلكترونية .. ممـدوح حـنفي
على حجازي
شيلي الحزن من قلبك..... على حجازي
شيلي الحزن من قلبك
ولا تعاتبيني ولا أعاتبك
أيوى صحيح أنا سبتك
مشيت من فتره وهجرتك
لكن جذوري هنا في أرضك
أغيب وأرجع تاني أنا لحضنك
ما بستحملش أنا بعدك
ماليش في الدنيا دي غيرك
ما أنا رضعت من نيلك
ويامه أكلت من خيرك
واللي شرب مره من نيلك
أكيد في يوم بيرجعلك
شدي يا بلد حيلك
كفايه نشفي دمعك
تعالي لملمي جرحك
تعالي رجعي فرحك
كفايه تعبنا من حزنك
قومي وإصحي من نومك
قومي بدلي هدومك
توب الحزن مش توبك
وتوب الفرحه دا أصلك
توب لايق على إسمك
وجاي مزبوط على جسمك
على حجازي
ساحة النقاش