مجلة عشـاق الشعـر الإلكترونية .. ممـدوح حـنفي
في يوم حلمت
في يوم حلمت اني مت ورحت الجنه وهناك لقيت الكل فرحان
شوفت المباني واجمل الالوان طوبه فضه وطوبه دهب ومرجان
والملايكه واقفين صفوف بيسبحوا الرحمن والنور في كل مكان
جناين مرويه باحلي ميه وانهار بتفيض لبن وعسل وصوت قيراون
واشجار تين وزيتون ورمان وكل فاكه وحجات مشفهاش انسان
وساعته وقفت حيران من المنظر سبحان الله وسجدت بايمان
وسمعت صوت بيقولي ارجع الان واحكي علي كل اللي كان
حزنت ومن جوايا غضبان لسه هاارجع للدنيا واعيش والاحزان
وبقيت ساعته زعلان اني راجع لدنيا كلها غدر وملهاش امان
كنت ساعته ندمان اني راجع اكد واتعب واحصد شوك وهوان
ورجعت علي صوت دوشه الجيران وناس بتتعارك جنب المزلقان
والقطر ماشي علي القضبان والسكه بعيده وراح يطويها الزمان
الشاعر مدحت فضل
ساحة النقاش