ياللا نِتْعَلِّم نقول ... بقلم : عبدالله الغلبان

مجلة عشـاق الشعـر الإلكترونية .. ممـدوح حـنفي

ياللا نِتْعَلِّم نقول 
الحَقّ مَهْما يكون صَعيب
والجَميل نِوْصِف جَمالُه
و فِ الوِحِش نِفْضَل نِعِيِب
فيه لِحَدّ مَ حالُه يرْجَع
للصَواب أو للمَغِيب
آفِة الإنْسان عُموماً
هِيَّا حِرْصُه على المَدِيح
وانُّه يظْهَر للِّى شايفُه
(ب عينُه) مُش إنْسان قَبِيح
بَسّ لَمَّا يكُوُن لِواحدُه
لأىّ شَرّ بيسْتَبِيح
هُوَّا دا اللى اسْمُه الرِياء
والمُرائِىِ مُسْتَحيل
يبْنِىِ فِ الأجْيال حَضَارَه
لأنُّه فِ الأخْلاق عَلِيل
واللى فاقِد شيئ لايُمْكِن
يِدِّى مِ اللِّى فاقدُه شيئ
حَتَّى لو كان شيئ قَلِيِل ؟؟
حتَّى لو كان شيئ قَلِيِل

FAEDAH.NET