مين السبب ؟؟؟ ... بقلـــم الشاعر : عمرو كندوز

مجلة عشاق الشعر الالكترونيه .. ممدوح حنفي

مين السبب ف اللي إحنا فيه
حد يجاوبني ويـــقولي مـين
حـــد يجــــاوبني يا مصريين
والـــدم غـــــــــرق الملاعب
زود همونا وجاي يزود المتعاب
حـــد يجاوبني ويــقولي مين
أنا لسامش ناسي دم إخواتي
اللي مـــاتوا ف بـــــورسعيد
جـــــــــــاي النهاردة وشوف
كــــام مــــات شــــــــــهيد
ف قــــــــلوبنا نار قايدة بمرار
يوم بــــعد يوم ديــــــما تزيد
مــــلعون أبــــــــــوكي ثورة
وملعون أبو اللي تاجروا بيكي
يابلدي فوقي حرام عليكي
الدم غرق الملاعب والشوارع
وسال كتير عــلي أراضيكي
والشـــــباب هــــــو التـمن
دمه رخيص ملوش تـــــمن
نظام معارضة جماعات أحزاب
ضيعتوا ليه حـــــــق الشباب
وقتلتونا ليه ف صـــــراعتكم
عملتوا إيه حــــلو ف حياتكم
بالله عليــــكم حد يجاوبني
حد يجاوبنــــــي مرة فيكم
ويقولي مين مــين السبب
ف اللي إحــــــــــــــنا فيه
حد يجاوبني ويقولي مـين
حسبي الله ونعــــم الوكيل
فأي حد إتســـــبب ف موت
كل الشـــــــباب المصريين
بقلمي \عمرو كندوز
9\2\2015