مجلة عشاق الشعر الالكترونيه .. ممدوح حنفي
رب صدفة .....
احسن منها ميعاد !!!!
رب فرحة ....
تهل بوجع البعاد !!!!!!
رب رحلة.....
حيث عادت...
تاهت ف دروب السفر
كل مطر وراه غيم
رب مطر بدون سحاب
رب عاشق داب وانتظر
واية ا نتظاره سراب
رب حظ يروح لصاحبه
ويدقله دق ع الباب
وحظ لصاحبه نصيب
ينكتبله فراغ ف كل كتاب
رب حبيب بيسيب حبيب
من غير داعى واسباب
رب حبيب حبيبه جنبه
ومش شا يفه وهو قريب
رب عاشق لحبيبه مفارق
وساكن جنبه رغم الغياب
كل ما تدور تلاقى
ف العشق عبر وحكايات
الدنيا دى فيها وفيها
فيها حاجات مش ناقصها حاجة
وحاجات ناقصها كل الحاجات
رب ناس بتموت بفرحتها
وفيها اللى من حزنه مات
رب ناس بتوه ع الدروب
يعيشوا و يموتوا تاهين
وناس بتبحث ع الهروب
مش عارفة تهرب لفين
كل فين وفين تلاقى
عشاق ليهم بواقى
سيرة تكون اية
انهم فضلوا احباب
رب صدفة
بكرة جاية
و تمر مر السحاب
الشاعر عبد الله الهوارى ....قنا ...قوص... جرا جوس
ساحة النقاش