** ساكن جنبنا**بقلم عصام سيد محمود السنان**

مجلة عشاق الشعر الالكترونيه .. ممدوح حنفي

( ساكن جنبنا )
يا ساكن جنبنا
ومحير فكرنا

يا مسهر عيونا أنت
مين حبك زيينا

ويعدى ليل ورا ليل
وعنينا سهرانين

عاوزة تشوفك فين
وعقولنا حيرانين

يا طويل يا ليل يا جميل
ها تبلغ مراسلنا

ولا ها تقطع جوابك
وترجع تسهرنا

وعيونا هجرها النوم
والقلب بات مشغول

والحب واعر قوى
بتغيب معاه العقول

قوله يا ليل وناجيله
على اللى قرى فناجيله

وحكا لكل الودع
ووشوش الأصداف

قال الودع للجدع
روع لشيخ عراف

يمكن تلاقى الدوا
يعمل حجاب تنشاف

ويحس بيك الهوى
يبعت قوام الإسعاف

ويطيب طبيب القلوب
قلبى أنا اللى أنصاب

مـــ الحب والمكتوب
ويكتب كمان فى كتاب

عن العشق والعاشقين
اللى كلامهم داب

فى بحر مــــــ الحنين
ورسايل الاحباب

أوصيك أنا يا ليل
لو جيت حيينا

بلغ حبيبى سلام
وبلاش يغيب عننا

ومهما يطول الغياب
ها افضل عاشق أنا (بقلم عصام سيد محمود السنان )