(((**عاش الزعيم. ......؟**)))بقلم الأستاذ:شاكر محمد المدهون

مجلة عشاق الشعر الإلكترونية. .ممدوح حنفي

عاش الزعيم--------؟

عاش اللي باع وإشترى

فينا وعشنا مسخرة

يعطينا من طرف اللسان حلاوة

وأحلام كثيرة مسطرة

بيقول إن أحنا كل همه

وهمومنا عايشة مسترة

منا اللي باع عقله بقروش

ومنا اللي عايش منظرة

فينا اللي عايش زي غيره
بيستنا دوره للمقبرة
وفينا أصحاب المعالي
عايشين آخر فشخرة
كأنهم مالكين البلاد
وكأنا جينا من غير حساب
بيعيشوا في بلادنا مسلطنين
ونعيش كأنا في مقبرة
اللي عامل شيخ كبير
واللي عامل إنه وزير
واللي يقول كلام كبير
وأعماله الخطيرة مسترة
ولو قلت إنك مش معاه
ياخدوك لأبشع مجزرة
عاش اللي باع وإشترى

فينا وعشنا مسخرة