مجلة عشاق الشعر الالكترونيه .. ممدوح حنفي
انهيار جدار الشط
ادى لوقوع ف القاع
ومصيبة تحتها خط
اللقا اتقلب وداع
كسر ف عظام الجماجم
نتيجة سقوط من ارتفاع
نزيف داخلى ف الجوانح
مع كسر الضلوع والدراع
انقطاع ف الصوت يؤدى
استحالة الاتصال
نوة شديدة بتعصف
بكل امل للوصال
نظريا الفرقة صعبة
عمليا بتقتل قلوب
عشان تشوف محبوبة
لازم تغير المكتوب
ودا شىءاصعب من الصعب
مدروج ف بنود المحال
ياللى عشت عمرك مصاحب
الموانى والمراكب
ف السفر والترحال
كل لقا للحبيب جميل
كل بعد ما فيهوش جمال
الفراق حرف جازم
بيجزم حتى الحال
بيقلب الفرحة احزان
توهة زمان ومكان
و يرسم العمر رحلة
لا ليها اخر ولا عنوان
الشاعر عبد الله الهوارى قنا قوص جرا جوس
ساحة النقاش