مجلة عشاق الشعر الالكترونيه .. ممدوح حنفي
باقى ع الفراق ا يام
جايين جرى
بيحاول ما يعدش
والايام بتعد
يرجع بالخطوة
والخطوة بتمد
بيحرق ف سيجايره
وبيحرق دم
وخاصم النوم
والنوم خاصمه
يهرب من هم يلاقى هموم
بيلعب مع الدنيا
والدنيا بتلاعبه
ولعب الدنيا صعب
بيعدى حاجز
يلاقى حواجز
بيحاول
ينط لفوق
ينزل لتحت
يمشى ع المية
يلاقى خية
ينط سور
وراه مهجور
يشوف صبية
تطلع مش هية
يسمع صوت
يطلع هاجس
يخش الليل
والليل مواويل
ما فيهش دليل
للروح لامس
والصبح يخش
يشوف النور
يعمل عصفور
يقطع مسافات
بجناح مكسور
يعدى بحور
يعدى بلاد
ويشوف حاجات
والوقت ان فات
يرجع مجبور
يخش العش
مكسور القلب
حيران مشتاق
والدنيا تقوله
بكره يا امور
نكمل لعب
وهنكمله كله
ف وقت الفراق
الشاعر عبد الله الهوارى قنا قوص جرا جوس
ساحة النقاش