مجلة عشاق الشعر الالكترونيه .. ممدوح حنفي
تمت إضافة صورة جديدة من قبل عصام دويدار.
جندي مجند مات
أخيرا خلصت جامعه وهبقى حر خلاص
بكره يا أمي هشتغل زي كل الناس
وهعوضك صبرك معايا والحب والاخلاص
بس يا امي في سنه هبقي من الحراس
إدعيلي يا أمي مايخدونيش في الجيش
هتروح سنه ويمكن تلاته ولسه هبدأ أعيش
قبلوني يا أمي عسكري وبكره هبقى شويش
مش مشكله هخدم سنه خفيفه زي الريش
شايفه يا أمي بدلتي وجكتتي
وعندي كمان بياده
والشنطه دي مخلتي
شايل سلاح ألي
وصوتي بقى عالي
عشان أنا في خدمتي
أسد بحرس بلادي
ميغركيش قسوتي
نفسي أرجع وأضمك
وحشاني حنيتك
شايف مرار الذل من بعدك
وعشان خاطر بلادي رضيت انا ببعدك
قسوة سلاحي وخوفي من الظابط
ولا الشويش عطيه عاملي 100ظابط
مش مشكله سنه وهتعدي
عمال أعد ويا الزمن وشايفه بيهدي
مالك ياعم إمشي خلي السنه تعدي
هانت خلاص مدتي هعيش ومين قدي
نفسي يا أمي أشتغل إنشاله لو ببلاش
عادي ما أنا في الجيش شغال سنه ببلاش
بس صراحه يا أمي خلوني واد قشاش
ميهمنيش الخوف ولا حتى أي ظروف
خلوني راجل أسد لا بخاف ولا مكسوف
هانت خلاص فاضل يومين
هانت يا أمي خلاص راجعين
فجأه وكان صوت إنفجار
في صدري طلقه بتكويني نار
كان نفسي يا أمي أودعك
لكن الخسيس خد القرار
وفجأه حلمي قدام عنيه
شايفه نيران وشرار
وكل مره يموت بطل من غدر ناس أشرار
حلمي خلاص إتقتل ومعدشي في كلمات
إبكي يا أمي وإصرخي دمي علي الطرقات
يتجيبوا حقي أو تسكتوا ويبقى جندي ومات
إبكي يا أمي وإصرخي جندي مجند مات
جندي مجند مات
حسبي الله ونعم الوكيل
بقلم / عصام دويدار ....
ساحة النقاش