مجلة عشاق الشعر الالكترونيه .. ممدوح حنفي
جندى مجند \ محمود .....المصرى
( قصة 42 يوم تدريب )
_________________
طلبوه للتجنيد جاله طلب عاجل
وجدته فرحت .......محمود بقى راجل
(فى الجيش مجند جديد )
ايف الافرول....وربط رباط البيادة
..صفا ..وانتباه وحذا ..،وخطوة معتادة
..فيه التزام ونظام......مجهود فوق العادة
...راجل ...ماعدش ولد !
ماهو دول ...حماة البلد
وعلموه التنشين وعدوه مين وفين
والصبر والجلد .....
حياته بقت المعسكر
لارقص..، ولا بيسكر
رفاهيته فى الكانتين
بسكوت وشاى بالسكر !
وقت الادان تملى
فى جامع سريته يصلى
..وهناك حداهم مصاحف
...بكلام الله يحلى
.....سبع جمع ( تدريب )
طبعا ممنوع يغيب
ولاداق فطير سته
ولا حس بتطبطيب
..اول اجازة له .. نهاية يوم خميس
حودة طار م الفرحة
.......اتهندم كأنه عريس ،
واتعبى ف الاتوبيس ومع طلوع النهار ،
..جه ارهابى (خسيس )..وفجر الاتوبيس ؟!
..لفيناه فى العلم .ودفناه يوم خميس
.واحنا عاصرنا الالم .... !1
فى جنازة عسكرية ..( لشهيد برىء ..واتظلم ) ؟ !
بقلم دكتور عبدالله منصور
ساحة النقاش