جارى التحميل
استخدم زر ESC أو رجوع للعودة
كلاب السيجه
فيه ايه حاصل يا حاج حسين
ومش عادتك تكون مهموم
صلاة العصر البركه
وغايب عنا طول اليوم
حامد وزناتى وخليفه
وعبد الظاهر المجنون
نقشنا السيجه وكلابها
وجبنا لك معنا كوم
وبعد العصر نستنظر
جايز تبان او تظهر
وبغيابك بقيت مهموم
فيه ايه حاصل يا حاج حسين
........................
يا ولد العم بتحكى فى ايه
مسكنى الدور وانا فى سيجه
والف دور مغلوب فيه
وسيجه كلابها غير لكلاب
يسدوا عليك جميع لبواب
ودور هباب بيلعبوا فيه
تدور فى جميع لركان
متلقاش كلب تلعب بيه
كلاب بايدى لمتها
وسيجه يدى نقشتها
وفى القعده محاوطه
وهمى كله فكرتها
ما واصل ليه
..................
يا حج حسين دماغك شت
انا بسئل على همومك
وايه مغير فى لونك
وصلاة العصر ليه فيها غبت
تقولى سيجه وكلابها
باين يا شيخ عليك خترفت
كأن الكلب عضك عض
................................
يا ولد العم اخترف ايه
دا حال الدنيا مشغول بيه
متعرفش مين الظالم
ومين اللى مجنى عليه
قاعد مشغول بالاخبار
والف قناة مابينهم تار
تصدق مين متعرفشى
مكونش يا خوى بقيت حمار
.................................
يا حج ضحكتنى فى همى
بدل ما تغيب طب اسألنى
سايب رجاله بتسنظر
وتسمع ناس بتغنى
صحيح يا حاج البلد سيجه
وبقينا كلابها وفى ظنى
بقينا حمير بنستنظر
راكب يركب ويتمظهر
ونلبس عمه محبوكه
حبكها لينا الازهر
وقولنا الفتوه عنديهم
وعلم الدين حداه يظهر
ولعبوا بدينا وعقولنا
ونتيجة اللعبه راح تظهر
قوم اتحمم واتعشى
وللمسجد بنتمشى
نصلى الفرض والتراويح
والظالم تجيله ريح
من الله تشيله بمقشه
كلاب سيجه قوم اتعشى
بقلم محمد البلاط
(مجلة عشاق الشعر)(1)(ممدوح حنفي)
ساحة النقاش