جارى التحميل
استخدم زر ESC أو رجوع للعودة
القصه دي الي أنا هاحكيها
حصلت معايا وبأرويها
أخويا وحبيبي ونور عيني
تعب شويه وقال الحقني
جريت عليه وبكل جنون
أصلو الكبير طيب وحنون
جريت بيه علي مستشفي الجامعه
وعيوني بتنزف عليه دمعه
كل الناس صراخه كانت سامعه
الا الدكاتره والبشوات في الجامعه
فتحولي الناس كل الببان
الشعب المصري ياناس غلبان
قالولي اهلا وسهلا انت جيت
هوانت مستعجل للموت حنيت
قلت خير ياناس كفاله الشر
قالو المريض محتاج علي ترولي
يركب يتجر
وعلي جهاز رسم القلب يمر
والجهاز للاسف عطلان
شوفلك مستشفي يكون شغال.
.....................المهم ياناس ...................
سابوني ساعات وانا مستني
اخويه يناس هيروح مني
خدته وجريت علي مستشفي
خصوصي
الله الله عليهم. لماشافوني
سلامات سلامات . وهات يابوس
حسيت اني عايش في كابوس
قلت الحقني يادكتور ..قال مالك
اخويا قلبه بعافيه جايبهولك
قال ماتخفش ياخال وإطمن
بس ادخل علي الخزنه عايز أطمن
انك خلاص نفضت جيوبك.
قلت ومالو ماجراش حاجه
اخويا تهون علشانه كل حاجه
إشتغالوني ياناس إشتغاله
إش تحليل .إش إشاعه .إش رسم قلب
وأنا خلاص هطق من الغلب
ولاحد بيتكسف ولاحد بيختشي
وفي النهايه قالو عايزين نطمن عليه
ايه رأيك نحجزه يومين
قلت ومالو هم ادري
أكيد احنا مش عارفين
سألت بكام ياناس الليه
قالو بالفين 2000 وسهره جميله
................... الله يرحمك ياضمير ...............
المصدر: ممدوح حنفي
(مجلة عشاق الشعر)(1)(ممدوح حنفي)
ساحة النقاش