رنـيـن حــــبك ... قلم الشاعر / حسـن الشـوان

نفسي تنده عليا ذي زمان
وتصحيني من نومي كمان
والقا رسايلك في كل مكان
وقلبك يدق مع قلبي حنان
نفسي ألقاك مستنـــــيني
وتطير النوم من عيني
ومترضاش تنشغل عني
إلا لما عليك تطــمني
واسمعك من قبل ما تكلمني
وشقشقة صوتك تناديني
إحساسك بيا بيحيــــيني
مهما كنت تبعد تلاقيني
ولما أعطــــش تسقييني
ولا أزعلك ولا تزعلني
وأقرب لك وتقرب مني
ومنديش فرصه لــــحد
يزرع بنا الشك والعـند
وكل شيء يتغير ويبعد
إلا حنين قلبك
واحنا عمرنا كله لبعض
أسمك علي شفايفي عنوة
إنده عليا خليني
أنسي الدنيا وصحيني
علي رنين حبك
اللي خلا حياتي حلوة