ما تنساش تــدفع البقشيش !!!
الراجل راح ينفجر من العياط والنهنهة !! لدرجة أنه صعب على الراجل الفتوة ، فخبط على كتفه وقال :
يا راجل ما تعملش بنفسك كده ، معقول راجل بشنبات كبيرة يعيط علشان كوباية شاي بخمسين قرش !!!
أنا مش بعيط علشان كوباية الشاي ، بس النهاردة أسوأ يوم فى حياتي !!!
صحيت الصبح متأخر فأخدت الموتوسيكل بتاع أخويا علشان ألحق أفتح المحل ، بس برضه وصلت متأخر وصاحب المحل هزأني ومسح بيا الأرض ، ما استحملتش ورديت عليه ... راح طردني !! جيت آخد الموتوسيكل علشان أروح على البيت لقيته انسرق ، رحت أبلغ أخويا اتهمني بسرقة الموتوسيكل ، وبعد ما ضربوني في القسم علشان أعترف طلعوني بكفالة مش عارف هقدر أسددها ازاي ، وحتى لما قررت أنتحر جيت أشرب كوباية السم جيت أنت وخطفتها من ايدي
وشربتها !!! 
طبيب بروفسير واقف يشرح أول درس تشريح لطلبة سنه أولى طب ، وكان يشرح لهم ويركز على أساسيات التشريح والجراحة فقال : لازم علشان تعملوا تشريح تكونوا قادرين على عمل حاجتين ......
الحاجة الأولى ميكنش عندكم أى نوع من الخوف او القرف ، وقام بسرعة حاطط صباعه فى مناخير الجثة اللى على السرير قدامه وبعدين قام لحس صباعه ، وطلب من كل واحد يعمل زى ما عمل فى الجثة اللى قدامه ، وبعد شوية تردد قام كل الطلبة عملوا زى ما عمل الدكتور !!
فقال لهم: والحاجة التانية لازم يكون عندكم قوة ملاحظة وتركيز، أنا حطيت صباعى الوسطانى فى مناخيره لكن لحست الصباع اللى جنبه !!
ساحة النقاش