♧☆ تراتيل شاعر ☆♧
انا قولت اكتب قصيده ف الحب وف السنين
تذيد نار الاحبه وتعجب الملايين
كتبتها حبه حبه واستغرقت يومين
تعب مني القلم وانتفضت الايدين
حلفت تكون جميله وتدمع عليها العين
تشوفها الناس تقول دي اكيد للمغرمين
وكتبها اكيد يكون عاشق للمجروحين
مرت عليه حكايات تخلي الصبا شيبين
الله يكون بعونك بألمك المشين
قلبت علينا المواجع وقطعت لنا الشرايين
دا كان كلام الناس نساني انا مين
وجع فيا الاحساس وسال مني دمع العين
حسيت كأني ف سجن وهما مسجونين
ذي الطير الحزين خايف من السكاكين
بيحلم يبقي حر ويطير مع الطيرين
جرح السنين بيوجع وزياده ف المساكين
دول اصلهم غلابه من الناس التعبانين
مش حمل جراح وقسوه وكفايه مظلومين
والحب دا شئ جميل جاد بيه الكريم لاجل يكون الحنين
وتسود بينا الموده ونسعد ليوم الدين
دا مش كلام اشعار ولا دا كلام مجانين
دا كلامي انا الشاعر وهوايتي مصري امين
(*** كلمات محمود المصري هواره ***)
نشرت فى 22 أكتوبر 2015
بواسطة majidanadine
عدد زيارات الموقع
12,836