الخماس
مشيت ويجيت
حسيت ب راسي خفيت
الخفة ولات رزانه
التربة لي دازوا فيها ليهود والنصارى
ما بقات فيها سخانة
بهدلنا الزمان الله معنا
لي رشحناه جلس ع الكرسي ونسانا
هادي صيمانة حلف ع الامانة
ف الحملة كنا قداموا هو ورانا
انت نهب وسرق حنا الزلط كلانا
حقنا عند الكريم مولانا
الا عطشت السبولة
صلاة الاستسقاء نجمعوا
هل لقبيلة انت ونا
سباب الكحط لقلوب الجيعانة
ماعمر الارض كانت فنيانة
الارض اعطيها تعطيك يا ولد منانة
زمان التكنولوجيا غزانا
الفلاح يحرث شاد ف يديه وانا
المغرب بلاد لفلاحة ماشي بوتسوانا
تعطي الخوخ والرمانة
فاكية مغربية بلا جمارك بلا ديوانة
دبح الصردي صلي ع لبطانة
الراس يغني الكرش شبعانة
كنا اغنيا كانت لقبيلة طيعانا
الري راينا الشوار شوارنا
بلسان واحد كنت نسمع
الواد لي داك ما خلانا
قبيلة النفاق نهار خوا لقراب
كلشي هرب من حدانا
حتى من لخماس كان سكن معنا
اعطانا ب الضهر زاد وخلانا
حبوا المال ماشي انا
طاحت قيمتي اكرف من دبانة
غدرني الزمان نمشي حفيان
بعت حوايجي وكملت ب المكانة
الكرش الشبعانة ما تفكر ف الكرش الجيعانة
الحمد والشكر لله
شحال من نعمة اعطانا...................................
زجال الغرب
حسن البرارحي
