*آخر حروف العِشق **
..
آخر حروف العِشق....حبّه لخّبطه..
أصل القلم ...سِنّه إنكسر
والريشه غاويه الشخّبطه..
وإنت وأنا عايشين وجع
والدُنيا هايصه مزئططه..
لّو كُنت ناوي تشتكي
من الألم والمرمطه..
يبقى إستلم....
عُمرك يضيع....
ولا حد يسّمع شكّوتك...
والدُنيا مُش راح تِفهمك
ولا يوم عليك
هتبات وهيّ معيّطه..
يعني الخُلاصه
" اُسكت بقا "
دا لأنها هتموّتك.....
وتكفّنك....
وتبان كدا .....مستعبطه..
آخر حروف العِشق....حبّه لخّبطه..
..
#سمير_شومان
#القافيه_حكمت
نشرت فى 1 أكتوبر 2015
بواسطة majidanadine
عدد زيارات الموقع
12,842