‏اذاعة_راديو_هناء‬
نظرا لحرصنا الشديد على اقامة علاقة وطيدة مع جمهورنا الحبيب ، 
سوف يتم بث جزء من كواليس البرنامج خاص وحصرى
مناقشة بينى وبين ابوصلاح كان متعصب جدا لانه 
كان محتاج 935 جنيه سلف 
‫#‏لعبة_الحياة‬
يا ابنى هدي فى خلقك هدي 
واسمع منى بلاش مخك يصدي
أصل الدنيا دى لعبة فى اﻹرادة والتحدي 
تلعبها صح فى السباق هتعدى 
تعاندها تعاندك دى حالفة طلاق لتدخل معانا التحدي 
تحايلها تحايلك تضحكلها تضحكلك تضحك عليها تضحكلك 
تبكى منها تسبقك على المحاكم وفى القضايا تعدى 
أصل الدنيا دى لو واخد بالك صورة منك 
وماشية معاك زي ضلك 
وزي ما تقولها هتقولك 
تغنى " يا حلوة يا بلحة " تقولك يا حسنك 
ولو قولت " يا غولا عينك " ترد اتلهى على جمال شكلك 
حلى دايما مرها بالأمل والحلم الجميل 
وافتكر كل فجر كان قبله ليل طويل 
وكل واقع جميل أصله كان فى عداد المستحيل 
باﻹرادة والعلم والعمل 
تلاقى لحلمك ألف سكة ودليل 
وبالتحدى فجرك هيمحى أى ليل 
بالأصرار تنتصر على أى مستحيل 
............................
هناء رضوان 
فهمت حاجة يابو بوز طويل 
اه انا عايز الفلوووووس 
بكرة بالليل 
هشوف حد يسلفنا احنا الاتنين