اصحى و فوق
فتّح صحصح خليك فايق
و اتأنى و فكر عل الرايق
و اختر نائب حر و صادق
و احرص يجي خاين و منافق
اوعى يا مصري تاني يغشوك
او برشاوي وضيعة يغرووك
ينجحوا بيك و يرجعوا ينسوك
مصالحهم قبلك و يدوسوك
و في لحظة يا حبيبي يبيعوك
و لا يهتموا يا اخي و يرموك
اوعى تهون او تنسى شهيدك
حقه هيجي و ايدي في ايدك
يا اللي خلعت رئيس و رئيس
بصرخة قوية تفوق الرعد
تسلم ايد المصري بجد
اللي في وعيه ما لقيت حد
اللي بيضحي بصدق وجد
و اللي وفاءه بيفوق الحد
اللي ما عمره يخون الوعد
واللي يحافظ دوم عل العهد
ابن بلادي دا وش السعد
اللي تاريخه مليء بالمجد
انا وياه و بعلو الصوت
مصر تعيش لو حتى نموت
و لا في وصولي و لا ارهابي
و لا طماع يحكم في بلادي
صوتي امانة مهوش للبيع
حقي في بلدي ما عمره يضيع
مش رح اساند شخص رقيع
ولا ارهابي خسيس و وضيع
مش رح اكون تابع و مطيع
صوتي لنائب فكره وسيع
بامور بلدي عليم و ضليع
و اللي بقوله رح اعمل بيه
و ربي يا مصر شهيد و سميع
من كلمات الشاعر المصري
محــــــمد العـــــــــــراقي
