مصرنا .......... يا أمنا
يا ثوره قامت...... عندنا
آدى الشباب من صلبنا
....بدأوا حكاية حلمنا
هيغيروا..ويطهروا..ويطوروا
كل الحاجات هنا .. وهنا
حقك علينا يا شهيد
دمك لا يمكن
.....يوم يموت
دمك هيغزل
كل تاريخ الوطن
...........وسط الأمم
دمك هيطلق الهمم
سامعك تنادى
....من بعيد
أنا ابن مصر
أنا الشهيد
اوعاكوا تنسوا دمى
لأ ........ دا دمكم
اوعاكوا تنسوا حلمى
لأ ..... دا حلمكم
صوت الشهيد
جاى من بعيد
بيقول يا مصر
احنا نموت
وتفضلى
بيقول يا مصر
دا دمنا
دا شئ بسيط
علشان تفوقى
وتكبرى
واللى قتلنى
وخان شبابك
هو اللى كان
دايس ولادك
فوقى يا مصر
وقررى
تتخلصى
من كل خاين
أو جبان........ أو مفترى
تحيا الشهيد................وتحيا مصر
***************************
شاعر الروائع / أشرف فؤاد السمادونى
نشرت فى 13 سبتمبر 2015
بواسطة majidanadine
عدد زيارات الموقع
12,842