لقيته للأسف ط...

سنين طويلة بـ يقول لي:

من فضلك

أرجوك

لوسمحت .. بليز..

أنا محتاج حلق أمك

وبسمة ــ نادر لما بتزوركم ــ في وقت وجيز..

وعايز الشَّبع اللي كان بدا ينبت ورا الجماميز..

وعايز قميصك

ولو اتكرمت ناولني سروالك

واتطمن

أنا بـ أكره التمييز..

يعني زي ماقلعت  .. قميصك

هاقلع الكل  بلا تمييز

بس دلوقتي سيبك من البهاوات

وهات رغيفك هات

يعني جوَّعني بـ بليز

وقلَّعني بـ بليز

ونشّف دمي ،

وكأني مسكين عايش في شتا الإنديز

وأول ما ريقي طقطق

على ريحة مطبخه

قلت له :

من فضلك

وأرجوك

وبليز..

فـ دوُّر وشه

ولقيته للأسف  ط...!!!