رداً علي سؤال استاذ S. Hهل التلعثم مشكلة نفسية ولا..

هو سؤال شائك علميا ومهم جداًلذلك نجد أنه قد يستعجل بعض الزملاء حديثي الدراسة من الطلاب لا وكمان يجزم بأنها مشكلة نفسية بحته أو تخاطبية بحته، والحقيقة أنه لازال الخلاف قائم بين العلماء حول هذه القضية، والمهم أن طريقة التدخل في العلاج تختلف باختلاف نوع التلعثم واللي بيحتاج خبره في تشخيصه من الطبيب والاخصائي المعالج.. يعني مثلاً في تلعثم راجع لاسباب نفسية وضغوط نفسعصبية، وفي تلعثم نمائي، وفي تلعثم ناتج عن اصابات دماغية، وفي ناتج عن بعض أنواع العلاجات الدوائية ذات النوعية الخطرة والجرعات الخاطئة.. ولذلك قناعتي الشخصية انه اضطراب نفسي واضطراب كلامي في نفس الوقت أو ممكن نقول اضطراب نفسي لغوي حتي يتم عمل دراسة حالة متعمقة للوقوف علي السبب الحقيقي فاذا عرف السبب بطل العجب ويمكن لبعض الحالات للعلاج الشامل كالعلاج المعرفي السلوكي مع العلاج التخاطبي زي التحضير والكلام الايقاعي والتنفسي المعروف بطريقة سميث. وأنصح جميع الزملاء خاصة حديثي التخرج والدارسين الجدد بعدم التسرع وضرورة العمل تحت إشراف حتي لا تضر من حيث النفع..Maged Aboarb

رداً علي السؤال الثاني استاذة O.A
بنتى عندها 3 سنين ونص كانت بتتكلم طبيعى خالص، وعادى من يومين كده بتتكلم تتاتا ف الكلام ممكن اعرف السبب
دي أعراض stuttring تلعثم وده له أسباب كثيرة ممكن تكون بتقلق وتخاف من حد زعق لها أو بيرهبها أو شافت خلاف أسري أو البيئة الأسرية صارمة وقوانين حاسمة ونظام لا يمكن التهاون فيه الحل اننا نهدي نفسيا ونهدي الجو من حواليها ومش نقعد نقول لها اتكلمي عدل كده انتي بتركزي علي المشكلة وتلفتي انتباهها وتتمسك بهذه الاعراض لتلفت انتباهك لها عشان قد تكوني مشغولة عنها فالمفترض اشاركها بعض الانشطة الترفيهية واركز في طبيعة الرسالة مش في طريقة نقلها اركز هي عاوزه ايه وانا هادية واعدل بشكل غير مباشر وأقولها قصدك تقولي كذا وكذا واتكلم انا بهدوء وانغم الكلام، تمنياتي بالشفاء العاجل
السؤال الثالث بدون اسم

التلعثم ده بيحصل مع ابن اختي٤سنوات اوقات وأوقات ومش بيحصل علطول ولما كان في الحضانة نادر قوي لو حصلت مرة كل فين، يبقي كده عنده ولا لا وهيتنيه كده علطول ولا..؟

شوف هو التلعثم في السن ده ممكن نسميه تلعثم طبيعي يحدث أثناء اكتساب اللغة وممكن بالإرشادات ينتهي ولا يتحول لتلعثم مرضي أما بالنسبة انه مش بيحصل في الحضانة وده لأن التلعثم لا يظهر في قراءة القرآن ولا الغناء أو ترديد الأناشيد ولا أثناء اللعب دايما بيحدث في المواقف التي تتسم بالسؤال والاجابة وفيها قلق اختبار موقف فيه توتر وزعيق وضرب هيتعرض للنقد والتوجيه أو مع الأشخاص المعاقبين للطفل، ودي اشارة ان البيت محتاج توعية وارشاد حتي لا تستمر الحالة لما بعد 5-7سنوات هنا الموضوع هيبقي أصعب