السلام عليكم ورحمة الله 
التسمين... عباره عن تربيه الحيوانات بعد الفطام مباشره
مميزات التسمين..... تدوير راس المال في وقت قصير
افضل تسمين.... الذكور لتحولهم السريع وارتفاع اسعارهم عن الاناث
افضل اكل للتسمين.... النواشف بجميع اشكالها ...والمجفف
افضل شيء.... التحصين قبل بداية التسمين
الممنوعات..... الاخضر بكل محتوياتها ممنوعه نهائي
التسمين..... يحتاج لراس مال ولا يمكن التاخر عن الاكل لاي سبب او التاخر في توفير المياه لانه بيسبب خطورة كبيره

نتكلم عن مشروع 200 خروف هنسمنهم 

اسعارهم من 1500/ 2000 تقريبا و هيا دي الاسعار الحاليه 
اوزان من 25/ 27 كيلو تقريبا 
العلف انا بأكل شعير مع رده مع ذره صفراء مع فول صويا وفول بلدي
وباكل برسيم حجازي مجفف يعني بأحصد اليوم واحطه تاني يوم... 
حسب وزن الخروف هاحط علف يعني كل 50 ك لحم قايم هاحط 1.5 كيلو ونص علف مقسوم على نصفين واحده السابعه صباحا... والثانيه الخامسه مساءا والساعه عشره صباحا احط ليهم برسيم مجفف او دريس او حتى تبن المهم ناشف او مجفف... المياه نظيفه وياريت تكون امامهم باستمرار وعلى طول امامهم..... طبعا اول ما اجيبهم اروح زي الشاطر اجيب دكتور بيطري وحط تحت دكتور بيطري مليون خط عشان احصنهم بثلاث حقن وركز معايا الله يصلح حالك.. حقنه للديدان او العشر امراض... وحقنه للجرب والبرغوت.. وحقنه لفتح الشهيه.. دول تحصينات الدوره كامله... هتقولي اسمائهم هاقولك اسأل البيطري... وبعد كده اركز في علفتهم وميائهم وابعد الاخضر عشان الاسهال الي بيضرك اكتر حاجة..
المساحه المطلوبه كل خروف بيحتاج 1 متر * 1.5متر 
لو مكان ظل اعمل امامهم حوش مشمس يلعبو فيه ويتشمسو.. يعني 200خروف يحتاجو مكان 300 متر مربع 
مدة الدوره اربع شهور
الخروف هيزيد معاك 250جرام تقريبآ يومي من 7/8 كيلو بالشهر يعني هتلاقي عندك موازين تتراوح من 55/65 ك اخر الدوره وده حسب خلوهم من اي عوائق ودي طبعا افضل الموازين المرغوبه بالسوق.
كل اللي بيشتغل في التسمين وبيهتم بالقطيع بتاعه ربنا بيكرمه وبيكسب إن الله لا يضيع اجر من أحسن عملا 
لكن الأفضل ان يكون عندك ارض وتعمل اكتفاء ذاتي لمشروعك ربحك بيتضاعف .
اصحاب المشاريع نصيحه من اخ اعملو شراكه مع ربنا ومش هتخسرو انتم بالصدقه وزكاة المال وراس المال وهو بالبركه والعلاج ان شاء الله.... 

و أنصحكم بالاطلاع على الفيديو التالي:
أسأل الله التوفيق للجميع