من سنه وأكثر وانا عايش على رجوى | لقاك |
من سنه :والبرد ينهش فـي ضلوعـي مادريـت
كلّ ماناديت : وينك ، صدنـي عنّـك قسـاك
يا أرقّ انسان قاسي / كيف فـي حقـي قسيـت
من كثر صدمة عيونـي فـي تغلّيـك وجفـاك !
كنت أشكّ انك حبيبي ذاك يـوم انـي سعيـت
كيـف قلبـك طاوعـك تتـرك مبانينـا وراك
كيف كفّينـك تدمّـر مـا بكفّينـك ،بنيـت
كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيـت ؟
كنت لك : حضن يدفّيك ويصارع لـك عنـاك
صرت لي : منفى تشربنـي عنـادك / وارتويـت
كنت لك : صبح تسلّف نسمته من عطـر فـاك
صرت لي : ليل ٍ يكسّرني ./ ويبني ألـف بيـت
كنت لك : بستاان عطّـر راحتينـك واحتـواك
صرت لـي نـار ٍ تحـرّق راحتينـي / وارتميـت
أجمع الذكرى / شظايـا ، وآتخيلنـي : معـاك ..
وأتخيلني فحضنك مـن قسـى بـردي لقيـت !
حضن : دفّاني وشتّت برد خضته فـي هـوااااك
حضن : جمّعني وبعثر حـزن عـارم / واهتنيـت
يادفى هالكون / ياكـون الدفـى مـاذا دهـاك ؟
بسألك وأرجوك جاوب في بعـادك وش جنيـت
جيت لك : والبرد قارس وانت مستكثـر دفـاك
إما يدفيني : وصالـك وإلا جعلـي مادفيـت !
